^
هذا وين طلع لي عرض وسبقني ورد قبلي
انا كان بحجز .. بس خلاص اللحين برد ع طول
ياخوي من غيرك ان ضاقت علـي البـلاد
يحـط عنـي غرابيـل الزمـان ويشيـل
سقوى سنين الجهاله قبـل سـن الرشـاد
ايـام كنّـا نعـد الأرض مضمـار خـيـل
ان طحت قدام عيني قلـت : كبـوة جـواد
وان طحت قدام عينك جيت تصهل صهيـل
واليـوم مـا طحـت لا والله يابـو زيـاد
لو شفت في محجري دمعة وعيـت تسيـل
من يوم ما صـرت لحلـوق المقاديـر زاد
وانا اتوجد على صبري واخـاوي سهيـل
اسج رجلـي خـلا واهيـم فـي كـل واد
اسجها من كثيـر ولا حصـل لـي قليـل
القلـب بستـان طيبـة والعـواذل جـراد
تغانموا كـل حاجـة غيـر روس النخيـل
اخلاقي اللـي عـن دروب المذلّـه قيـاد
وسلـوم جدانـي ومبـداء علـو الأصيـل
فـان عرضوا لي سموم الهرج سقت البراد
وان وجهوا لي سهوم اللوم راسي طويـل
لكنهم روجـوا حكـي , وتمـادوا سـواد
(حسبي على حكيهم ربي ونعـم الوكيـل)
يامـا علشانهـم لينـت رووس الـشـداد
ابغـى الجمالـه ولا دورت رد الجمـيـل
زرعت فصدورهم طيبي ,, ويوم الحصـاد
ما بان فوجيههم مـن زرع طيبـي دليـل
ما اقسى من انه يطولك ظلم بعض العبـاد
الا ان من يظلمك له فـي عيونـك مقيـل
واصعب من العيش فالغربه و جور البعـاد
مرار عيشتـك فـوجيـه الليالـي دخيـل
ياخـوي لا شفتنـي سجيـت بالله نــاد
اخاف تبطي بي السجّـه ولا بـه حصيـل
الله الله الله الله
عزالله ان ابياته كايفه ..
صح الله لسانك ولسانه
وجعل يمناك ماتعطب
23-02-2009, 07:08 AM
العرض الشجري