ماعاد باقي من الصبر ..صار ضدًه=وماكان مابين المعاليق له ..طاح ؟!

[ناصر بن ذروه]

السلام عليكم ورحمة الله وبركاته

اطرح بين ايديكم هذه المتواضعه عسى ان ترتقي ولو بربع الذائقه ..


صلوا على النبي ...

خله على كيفه وكيفه يردًه=قد قالها رابح على العود.. ياصاح
وهذي ثلاث سنين شطره اعدًه=مدري متى كيفه يرده ..ونرتاح
من يوم ما قفى واشر بيدًه=كل ما تناسيته.. رجع طيفه ولاح
يعني كذا مالي عن الحزن صده=زرعن ثبت عرقه وانا فيه فلاح
ليته يجي مابين مده ومده=ويشوف جرحه كيف للروح ذباح
ياما انتظرت وقلت للحب لدًه=لين الأمل من كثر ما قلتها راح
وجو الحزن.. غطًى ليالي المودًه=وشمع الوصل بيني وبين الغضي ساح
وماعاد باقي من الصبر .. صار ضدًه=وماكان مابين المعاليق له... طاح
ونسيت شطرٍ كنت اقوله ورده=مافادني حفظه ولاغناه ياصاح

.