محاوره الشاعر (توني بلير) والشاعر (بوش بن بوش)

[تركي]

هذه محاوره جرت بين الشاعرين((توني بلير)) من فخذ الطراطير, ((وبوش بن بوش))

من فخذ العلوج,وحيث جاء الطرطور بلير الى امريكا لحضور المؤتمر الشعري

الثنائي مع العلج بوش في صاله الاجتماع.....؟

بدءا الطرطور بهذه المحاوره وقام العلج بالرد عليه فورا....

الطرطور ..بلير

الله لا يجزاك بالخير يابوش**ورطتنا في حرب صدام ورطه

عزمتني تقول بترول وقرووش***بس الحقيقه روحتي معك غلطه

رد العلج:: خلووها

يابلير رد العلم من بوش بن بوش***الله خلقنا للمقاريد سلطه

وابوي عنده للرياجيل دنبوش***كم واحد(ن)شلنا فلوسه ونفطه

الطرطور::

ابوك والنعمين مير انت مربوش***تموت بالبترول وتحب شفطه

صحيح عندك مال وسلاح وجيوش***مير اتوقع لك تدهور وسقطه

العلج:

يابلير كنك خفت يوم احتمى الهوش***حرام ماتاخذ من النفط نقطه

قبلك ترا شيراك قد راح مكروش***شوفه يصرح كل يوم بمحطه

الطرطور:

وراك ماتعطي لشيراك عرموش***تراه مشغلنا بشيله وحطه

وليا انتهى موضوعنا نرسل طروش***ونجمع المبلغ من الربع قطه

العلج::

شيراك هذا عنده الفكر مغشوش***فرط على بمجلس الامن فرطه

يدزه اليابان والصين ويطوش***ومجهز الفيتو لتحقيق شرطه

الطرطور:

يابوش انامرهق وخايف ومدهوش***وانته تقول الحرب خدعه وخطه

اسراي واسراك امتلا منهم الحوش***وعز الله انه صابني منك جلطه

العلج::

ماقلت لك كم فيه اذاعات ودشوش***لا تكشف المعنى وانا اقول غطه

وان قالو انا علج واصحابنا جحوش***ماهمنا الصحاف اللي يحطه



ومازالت المعركه حاااااميه بين العلوج والطراطير.