ما عاد به شيخ(ن) على الجاه تنصاهـ <<< أنا أشهد ...!

[سلمان بن ضيدان]

السلام عليكم جميعا"

أقدم لكم قصيده كتبتها عندما رأيت تغير الأحوال في هذا الزمن ...

أقول :

يالله من وقت البهاذيل يالله
وقت(ن) تشاينته عسى فيه خيره

ما عاد به شيخ(ن) على الجاه تنصاه
ولا عاد به منهو يسمى ذخيره

تنصاه لامن شان وقتك و مرساه
ويصبح حزامك فالليالي العسيره

يا كثر منهو ما يرحب بمن جاه
يا كثرهم مابين ناس(ن) كثيره

ويا قرد من ربي على الكبر يبلاه
وتموت ناره عقب ماهي سعيره

راع المراجل دايم(ن) نطلب رضاه
وياجعل يفدونه وفود(ن) كبيره

والوقت يا ضيدان* يا ويش هو جاه
كشر بنابه فالسنين الأخيره

كل(ن) تفرق صوب شفه ومشهاه
وكل(ن) نسى ربعه وخلا عشيره

وكل(ن) على ربعه يشيٌن نواياه
النيه الشينه بداخل ضميره

من يطرد المخطي وهو يبغي رضاه
ماعاد به خير(ن) ولا فيه خيره

هذي مشاكل وقتنا اللي قضيناه
عفنا وحنا ما ندور لغيره

يالله يالمعبود يالله يالله
تغفر لعبدك فالليالي الأخيره

واللي يبي يعرف وش المسلم أنجاه
يمشي ولكن في دروب(ن) منيره

وأختامها صلوا على اللي تولاه
رب(ن) كريم(ن) عالم(ن) بالبصيره



وسلامتك ..........


ضيدان * هو الشاعر ضيدان بن فهيد بن دهمه العجمي