~ خلاص عزّلة المحبه ~

[سلمان بن ضيدان]

خلاص عزلة المحبه والأحباب
من بعد مفلان الفلاني نساني

أرسلت أنا الأعذار في صفحة كتاب
وتشهد يميني بعد قولة لساني

وأن كان ما تقبل عذر خاطري طاب
الـخـاطـر الـلـي لـك مـقـر ومـكـانــي

صحيح بأن الجمع ينهيه الاغياب
وعز الله أن غيبة وليفي اتحداني

تحدني صوب المشاريه وعتاب
على الذي فرقاه هد المباني

مباني الطاقه ترى مالها أبواب
يالله تصبرني على ما بلاني

لاني شنب لا لا ولاني من أشناب
بأن الجفا مَقبل عليه الضماني

خلاص أنا بنساك عارف للأسباب
وتعرف وش اللي حدني يا فلاني

فتحت صوب الهم باب ورا باب
وباب المحبه منتهي من زماني

بدّيت روحك للخوي دون الأحباب
ونسيتني يوم الحزن ما نساني

ولاأنت من ناس(ن) بعيدين وأجناب
ولا أنته بنافع لو سنيني تشاني

أرسلت لك نبذه قصيره مع اخطاب
وأقول قولي والجفا والـلْه حاني