السلام عليكم...
ياذالوفق وينك غذا السقم حالي=من دنيتن فيها اليسر ينقلب ضيق
ان قلت زان الوقت والوفق جالي=عبس الزمان وضاع درب التوافيق
دنيا تزيد بقدر عفن الرجالي =وتقل في قدر الرجال المطاليق
ياحر كبدي حر صفر الدلالي=اليا حمن وجالهنه نقانيق
وابطن وهن في جال نارن تصالي=فاحن وزاعن والجمر جاله اشهيق
شهق الفؤاد اليا ذكر ماجرالي=علم" دفنته حي وبقصى المعاليق
ان مات قبره بوسط القلب غالي=وان عاش يبقي للهوى والعشاشيق
والرجل يصبر لو تطول الليالي=تمضي الليالي والليالي ملاحيق
والوفق عند اللي عظيم" وعالي=رب الفلك ربي ورب المخاليق
محيي الهشيم القفر منشي الخيالي=صب الحيا ونبت خزام وزماليق
والسدر يفرش في ثراه الظلالي=وطلع الزبيدي مفتق القاع تفتيق
والماء غدير من القراح الزلالي=وعروق سيل" وسمة بالشواهيق
يالله ياربي عليك اتكالي=تحيي جريد الحال مع بلة الريق
وتدفي عروق القلب ويروق بالي=ويزين قول الشعر بحلا الطواريق
وسلامتكم.........
27-08-2009, 07:10 AM
العرض الشجري