البارحه عانيت من وجداني = نار الوله للريم بانت بيــّه
الشوق بي جاوز جميع انساني = لاشك حظّي نام وش بيديــّه
دارٍ لفيته في وعد خلاني = وافخت نصيبي مالقى ريميــّه
واشعل بجوفي لاهب الاشجاني = مع عبرةٍ في صدري امست حيــّه
نخيت شعري علّ به نسياني = قافي تعب من ناري المخفيــّه
نار الغلا لاصخيّف الذرعاني = جفول والله حطّ به ماريــّه
ماريّته مثل القمر لاباني = غيره نجومٍ مايبيّن ضـــيــّه
انا بجاه الواحد الرحماني = يلمّني مع طفلةٍ .....
حبه ملكني واستحل اركاني = لين الهيام اصبح لقلبي خيــّه
آآآهٍ عليها طفلة ال...... = ودّي بها حيثه بشمسي فيــّه
ريميّتي سحره بشكلٍ ثاني = بين العذارى نايفه حوريــّه
احبها والواحد الديّاني = من قلب اقوله يابعد من ليــّه
وافي
العرض الشجري