قصة الاخوياااااء قصة مؤثره جداااااااااا

[عجمي يحب لدواسر]

هذه قصيده تحكي معاناة انسان بسبب غلطه غير مقصودة انتهت حياته ..
سلطان بن رباح كان له اخ لم تلده امه اخ دين ودنيا .. هو محمد بن عقيل ..
كانت اخوتهم على وضح النقا .. ومن زود ما يغلي محمد سمّى ولده البكر محمد على اسم خويه ..
كانوا يعشقووون الصيد .. وفي رحلة من رحلاتهم وفي فتره الظهيره ..
كان محمد يجهز الغداء وسلطان ينظف السلاح ومن غير قصد وبدون علم بوجود الطلقه في
مخزن السلاح انطلقت الرصاصه
لتسكن في قلب محمد وترديه صريعا ..
ولم يكن عندهم احد ..
وضع سلطان في السجن .. وبدات المشايخ بالوفود على اهل محمد لكي يصفحو عن سلطان
ولكن دون فائده ..
وصدر الحكم عليه بالقصاص ....
وبعد التنفيذ .. ومصادفة ً صار قبر سلطان في جنب قبر محمد ..
لا اطيل عليكم .. هذه القصيده بين ايديكم ..


يــا فــلاح الـهـم خـيّـم فــوق قلـبـي يـــا فـــلاح
كيـف تبغانـي اسـولـف وانــت خابـرنـي علـيـل
ويش قولـك فـي عليـل ٍ فـي حياتـه مـا ستـراح
تنتـثـر دمـعـة عيـونـه لاظـلـم الـلـيـل الـطـويـل
حالتـه لا مـا تباعـد حــال ( سلـطـان الـربـاح )
بالخـطـا راحــت حيـاتـه والخـطـا مـالـه مثـيـل
كــان ويّــا صاحـبـه اثنـيـن فــي أرض ٍ بـــراح
يطـردون الصيـد دايـم مـن صبـح لـيـن المقـيـل
اجمعتـهـم صحـبـة الدنـيـا عـلـى جــد ومـــزاح
مــا يهـابـون الليـالـي والحـمـول الـلـي تـمـيـل
مــا قـتـل عـامـد ولـكـن ثــوّر ابلـيـس الـسـلاح
بالخـطـا ثــار الـسـلاح ويــن يلـقـى لــه دلـيــل
انعقـد سجـنـه .. وربـعـه تنتـظـر فــك الـسـراح
والاكيـد انـه سجيـن ومـا رضـووا ربـع القتـيـل
هــل دمـعـه يــوم صـلّــى ركعـتـيـن فالـصـبـاح
فـي نهـار الجمعـه اللـي مـن ثقـيـل ٍ فــي ثقـيـل
هـلّـل وكـبّـر .. ونفـسـه تـذكــر الـلــي راح راح
كـان فـي ربعـه عزيـز .. وذلّــه الـوقـت الذلـيـل
(لا محـمـد لا تـهـانـي لا سـعــود ولا صـــلاح )
كلهـم كانـوا علـى بـالـه وهـمّـه فــي ( هـديـل )
طفـلـة ٍ مــا كمّـلـت عامـيـن صايـبـهـا كـســاح
وانتـثـر دمـعـه وحـالـه مــن سبايـبـهـا نـحـيـل
حان تنفيذ القصاص .. وغطوا الـراس بوشـاح
وجـاك سيّافـه يشيـل السيـف ابـو حـد ٍ صقـيـل
ارتخـى راسـه .. وزاد الموقـف الحامـي صيـاح
بيـن نـوح وبيـن دمـع وبيـن صيحـات وعويـل
وارتفع صوت الحشـود .. وزاده محمـد وصـاح
يـا يـبـه تكـفـى دخيـلـك تستـمـع قــول الدخـيـل
يـا يبـه وشلـون نصبـر كيـف نهـجـع بارتـيـاح
وانـت مـن دنـيـا عيـالـك مـاخـذك مــر الرحـيـل
يـا محمـد .. هـاك علمـي واحفظـه قبـل المـراح
انـتـبـه لاخـوانــك وبــالــك عـلـيـهـم لا تـعـيــل
والله الله .. فـالـصـلاة وفالـصـيـام وفـالـصــلاح
والله الله .. ف( امكـم ) والله لكـم بـعـدي كفـيـل
غـمّـض عيـونـه ونفـسـه تطـلـب الله الـسـمـاح
رافـــع ٍ سبـابـتـه .. ( مـظـلـوم ) والله الـوكـيـل
ســل سـيّـاف الصـفـا سيـفـه ودقــه ثــم طـــاح
راس (سلطـان المراجـل ) وانتثـر دمــه يسـيـل
غسلـوه .. وكفنـوه .. وفـاح طيـب السـدر فــاح
وبالمصادف صار قبره جنب قبر ( ابن العقيل )
يـا فـلاح .. الكارثـه مـا هـي سوالـف يــا فــلاح
خلـنـي سـاكــت ودوّر غـيــر هالـقـصـه بـديــل