انا شكيت إمن المواصل ما شكيت إمن الهجر

[ناصر البرغش]

السلام عليكم ورحمة الله وبركاته





متواضعه أتمنى أن ترتقي لذائقتكم..من باب التغيير

إبلا شعور افرح ونفس الوقت اموت امن القهر=لا شافت اعيوني عيونه ...من حلا سلهامته

ايه انقهر وآغار لو غيري يبادله النظر=صدفه.. ولو إن الصدف بقفايته وإقدامته

عاقل ولكني من إجنون الهوى طبعي حكر=أبحتكر حبه واجدد كل يوم اقامته

وانا شكيت إمن المواصل ما شكيت إمن الهجر=لن الهجر أغبى زباينة المحبه لامته

والعاذل المسكين ما يدري... ولا عنده خبر=وفي كل يومٍ في رجا الفرقا.. يطش اعمامته

ما يدري إن الوصل يصهر كل ما لا ينصهر=يوم المفارق... جفت أقلامه على رزنامته

وصله يولع في حشاي... ويودع ضلوعي جمر=والقلب يدفا... والحنايا كلبيها صامته

ما تشتكي لو يشتكي جال البحر.. موج البحر=ما ودها يوصل صداها.. للوجيه الشامته

وانا دخيلك يالوفا.. من طعنة اكفوف الغدر=يقولها لك واحدٍ ما يوم وطى هامته

وسلامتكم