!.. حصري ..! .. (وضح النقا) .. (ياهاجسي) .. (نجم القوافي) ..//.. خالد بن رمثان

[تركي بن فـهد]

السلام عليكم ورحمة الله وبركاته






صلوا على النبي




قـصايد للصفوف







(وضح النقا)

يقول منهو على وضح النقا يبتدي=يا مرحبا فالرجال اللي نماريبها
عزولي الصف يا ربعي و يا مسندي=يا لابتن فاللقا معروف ترتيبها
ربعي ضنا يام مثل سهيل و ألا الجدي=أهل الظفر و المراجل حن معازيبها
لبيه يا ليلتن راحت على المبتدي=أهل القنازع و كل الناس تدريبها
قومن ندوس الخطر و نبيت المعتدي=ونشوش فالحرب و الموته نهليبها
يا معتدي لا تقرب صوبنا و تغدي=قبلك خصومن فعايلنا تهذريبها

(ياهاجسي)

ياهاجسي عند ربعي لا تباطاني=ذب النوايف وأنا خابرك راعيها
صوغ الجزايل دخيل الله علشاني=ذكر النشاما لزومن يوم ناتيها
بجر صوتي مدام الراس طرباني=و مدام لي لابتن تفخر بماضيها
أهل القنازع ليامن ثار دخاني=تطابخت روس ربعي من عزاويها
طبع المرازيق ربع الشيخ راكاني=تاطى على راس ملقوفن يعاديها
ربعي نهار اللقى كن فيهم اجناني=بياعتن للعمر والموت شاريها
كم من عقيدن من أهل الصيت والشاني=من وقعنا لابته منهو يعزيها
و كم من جموعن سقاها الموت وداني=من كثرها شاب راسي كيف أبحصيها
يا لابتي ما خذينا الصيت مجاني=و من لا فخر وسط ربعه رايحن فيها

(نجم القوافي)

بان نجم القوافي و القصيد =و النشاما تعز صفوفها
مرحبا فالقريب و فالبعيد=مرحبا دابلين حروفها
دلتن هيلها فيها يزيد=تعجب اللي شرب من جوفها
وأزرق العود له جمرن وقيد=عند ربعن لها معروفها
عند يامن هل الفعل المجيد=كاسرين الدول و حلوفها
جمعنا لا تعزوينا يبيد=تشهد حروبنا و سيوفها
باسنا فاللقا باسن شديد=نقسم الروس هي و كتوفها
ليلنا لا اجتمعنا ليل عيد=ليلتن و السعد في شوفها

لـ / خالد بن رمثان