(ضــو كـبـدي) لـ سعود بن مهدي !

[فهد بن مطلق]

السلام عليكم ورحمة الله وبركاته

لـ سعود بن مهدي ..

صلوا على النبي
.
.
.
.
.
.
.
.

بٌرد على ( ضو كبـدي ) ياهـوى الغربـي=النفـس مستاجعـه والعـيـن مشتـاقـه
فارقـت مخلوق . ومفـارقـه مأثـربـي=ولا كل مخلوق ! بستاجـع مـن فراقـه
مالـي عـذر ! لـو بجامـل واتعـذربـي=ومالي بعـد ذنـب ؟ ولا فـي يٌـدي طاقـه
تكفى يا ( سرب الحمام ) بـرحلتك سربـي=خذني من الأرض ,, صـوب الغيـم وآفاقـه
القلب ( جمٌـر ) وأرب السحـب تشعربـي=يمكن !! ( براد السحـاب ) يطفـي اشواقـه
ولا انت !! يامن على ( منفـاي ) حادربـي=ماغصت في ( مهجر الاحـزان ) واعماقـه
ناظـر عيونـي .. ودورنــي ووربــي ؟=وفتٌش فوادي .. مـن الطاقـه الـى الطاقـه
ان كـان عينٌـت ! مخـلـوق ٍ معـزربـي=غيرك ! فـلا ترحـم الماسـور بوثاقـه
وليتك الروح .. فـي سلمـي وفـي حربـي=ورايتٌك في قمة (( الخفٌـاق )) (( خفٌاقـه ))
هواك فـي ( روحـي بروحـي ) مغيٌربـي=وغلاك من ( ضلعي بضلعي ) بنـى رواقـه
ذكراك ( ظلي ) .. ونشوة صورتك ( دربي )=ومعـاك !! ماعـاد لـي بالعالـم شفـاقـه
ماقول : لاشفتني عقـب السفـر .. طربـي=اقول : طيٌـر ( كمـد ) غاليـك .. بعناقـه
لاتهدي الورد وانـت ريـاض مزهربـي=الـورد خـدك وطلـة مبسـمـك بـاقـه
( بؤس الشعـراء ) ليلـة حـزن تسهربـي=و ( شعر البوساء ) فجـر ٍ يبهـج اشراقـه
صعب أشتهي قرب ! من لا يشتهـي قربـي=من حـب فرقـاي .. مانـي كـاره فراقـه
حتى ولو ضاق صـدري ! ياهـوى الغربـي=عنـد الله الـبـاب مفتـاحـه ومغـلاقـه
مادمت مرتاح فـي زادي وفـي شربـي=لقمـه علـى فاقـه أخيـر مـن ميـة ناقـه