رد الشتى والمطر والغيم لـ بلادي

[حسين الحوّاس]

كل عام وانتم ابخير


،

،

،

،

،

رد الشتـى والمطـر والغيـم لبـلادي=والصيف ولّى وتلاشـى والبـدو شـدو

اشوف كلـن يـردّ ولا غـدى غـادي=الا مـن اغليتـهـم راحــو ولا ردو

الشوق في داخلـي مشتـاق واينـادي=وين اللي ارخو معاي وليش ما شـدو

والنفس ما تشتهـي والقلـب متمـادي=والروح تتبع هوى اللـي للجفـا لـدو

ياليت قلبـي يطيـع ويفهـم اعنـادي=ياليت روحي مع اهل الطيـر لا هـدو

اقول صـدو واقـول افراقهـم عـادي=والعالـم الله اقعـدوا ماكنهـم صـدو

ضاع الوفا والصبر محمـود ياحـادي=لا صارو اكرم بشر بالوصل مـا نـدو

تدري متى اضّيق الارض ومسكنك وادي=لا شفت بعيونك ان اللـي بنـو هـدو

،

،

،

،

،



حسين الحوّاس الاجباري