السلام عليكم ورحمه الله وبركاته
قصيده جديده وهديهالكم لعل وعسى تحوز على رضاكم
صلو على النبي
الصبر مفتاح والله يحب الصابرين =وكل حسنه عند ربي بعشر امثالها
وابن ادم لو تكبر ترا مرجعه طين =الكبر للي خلق الأرض ورسى جبالها
والرجل مايشتكي وقته وعوج السنين =يحتمل لخفافها يحتمل لثقالها
والرجل لا صار مايمتلك ذمه ودين =والله ان يبطي وقولت كفو منالها
والرجل عينه سماء لايسار ولا يمين =مدرك(ن) مخراج رجله قبل مدخالها
والرفيق إلى تردا بقول الله يعين =وأتصبر ودمح الزله اللي قالها
ماجحت الرفقه اللي على سمن وسمين =جعل من يجحد رفيقه يذوق اهوالها
يارفيقي لا تسمع كلام الخايبين =لا تسمع كلمه(ن) من حثال احثالها
حط فذنك طين والثانيه فيها عجين=ودعس العقرب وفال الله ولا فالها
فالوازم والله اني لك الدرع المتين =ابشر بعزك لثقلت عليك اشتالها
صاحبك ماسك سلوم الرجال الطيبين =ماتعبت الا على الطايله وسعى لها
والله أنه لويلين الصفا ماهو يلين =كل حاجه كايده شارب(ن) فنجالها
خيلا السمراء وأنا من هل السيف السنين=من مشاهير الجزيره وروس ابطالها
من قبايل يام سقم العدا الجمع الرزين =الرجال اللي تنومس وعد افعالها
لابتي مثل الجبال الرواسي ثابتين =ماتغير دلها وطيب(ن) منزالها
تسهج البيداء وتقسم صفوف المعتدين =ومن نواهم اشهد ان حالته يرثالها
قلتها صادق وأنا شاعر(ن) وجه يبين=واعسف مهار القصايد وأنا خيالها
وكان تبغاني اكرر وردد مرتين =اليمين ماتصفق بدون اشمالها
كل ليله اطلب الله يزينها تزين =وبتلشت بعالم(ن) ماتعرف اشكالها
اعرف ان الاخره من نصيب المتقين = اللي عاشت تعبد الله بطيب اعمالها
ياعساني مامشيت الا درب الصالحين =مستقيم بدربها ومستظل بظلالها
قلت ماعندي وأنا راعي الدر الثمين =ابدع ابيات الشعر وسبك امن جزالها
وسلامتكم
العرض الشجري