هذي أول مشاركاتي واقدمهالكم اتمنى ان تنال اعجابكم والمعذره ان لم ترقى لذائقتكم
سولف وبسمع واذا سولفت فاسمعني=ترى أدب لستماع امن اجمل اطباعي
خلصت هرجك تسمع لاتقاطعني= خل البساط احمدي ماللزعل داعي
يللي تقولين مايوجعك يوجعني=وش عاد خليت مما سبب اوجاعي
دامك فتحت المجال وجيت تقنعني=اما انا بتبعك او صرمن اتباعي
اذهبت برد الشتات وجيت تجمعني=يعني مجرد حطب !ياهيه انا واعي
ياكثر ماكنت احاول وانت تمنعني=وامد حبل الوصال وتلوي اذراعي
واليوم درب (ن)على دربك يرجعني=بمشي بعكس اتجاهه واطلق شراعي
خلك بجوعك وانا جوعي بيشبعني=وان جيتك اشكيه لاتسمع توجاعي
وزعت نفسك ولاتقدر توزعني=واشقيت عينك سهر لاتشقي ادماعي
ماهوبكيفك توطيني وترفعني=بعض الحوار اشتهيه ويتعب اسماعي
والفكره اللي على بالي وتـتبعني=ان جابها الحظ ولا جابها الراعي
دربك خضر واستدير ولاتوادعني=وانا على روحتي ماهمني الداعي
مع حبي ومودتي
نـــــــــــــــــــــــــــــــــداوي0909
العرض الشجري