السر المخبى

[السهل الصعب]

السلام عليكم ورحمة الله وبركاته
متواضعه على امل ان تروق لكم

بديت في سرن مخبى ومكنون=ومعاهدن نفسي والله لخفيه
مايعرفه ال انا وخالق الكـــــــون=والثالث الصاحب عسى الله يشقيه
فجئه وأنا قاعد ودق التيلفون=وطالعت رقمه ثم فزيت انا فيه
قلت يامرحبن بك عد من كان يمشون=وعداد من ضحى الى حب غاليه
وعدادمن كانو على الخير يسعون=وسمحلنا انكان قصرت أنا فيه
قالت تراحيبك تهيض لي اشجون=لاشك عندي قول ومن أين انا ابديه
قلت ابتدي ابفكر صاحي وموزون=وطالبك يابنت الاجاويد قوليه
المركب اللي دمره شعب شارون= أنساه يا..... ولا عاد ترجيه
يا الله يدمر كل من كان ملعون= حيثه يهد اللي بنيته وراجيه
قالت فمان الله يانور العيون= والي طلب عندك ولابد توفيه
قلت اطلبي وانا على العهد ماخون= ونذرن علي الي تبينه للبيه
قالت بتنساني وتنسى التلفون=وتنسى جميع اللي علاقه الي فيه
أنساك لاكن عندي القلب مطعون= ياوين ابى القالي طبيبن يداويه
القلب لو يغسل بماين وصابون= يرجع كم الاول ويذكر لغاليه

وسلامتكم