قصيدة موال رائعه شله لشاعرها عبدالناصر...

[مزاج بدوي]

http://www.youtube.com/watch?v=TWAi1...eature=related

كبرها لا جات من أقرب قريب وفالصميم .. من شخص تتنفس هواه ولليالي ذاخره

اللي حياتك كانت فقلبه نعيم ٍ في نعيم ... ومن غلطة ٍ منه حسبها منك جاك من آخره

وش حيلتك لا صارت الدعوه قهر وقت الصريم .. وتحس دودة الأرض جالت في عظامك ناخره

يضيق صدرك والقلوب تذوب وضلوعك هشيم .. حتى النسم تبغاه وما ياتيك مالله ساخره

كانك من أهل البحر وسط الموج والرؤيه عديم .. والباخره قفّت وعينك تلتفت للباخره

الحظ عاندني قهر يا حظي يا حظي السقيم .. ما كنك الا عبد سو ٍّ فتَّحت مناخره

تزهم تعز واتحتزم ما ينفعك سلم ٍ قديم .. ما ينفعك طيب ٍ وهبته للوجيه الساخره

ماهو بباقي غير قلبك ان وهبته للسديم .. بيحترق طيبه فخر وتفوح به مباخره

ويظل ذكرى واحترامه دامني حي ٍ مقيم ... و ان مت يبقى للبشر أكبر علامه فاخره

وان كان بدمح زلتك يا نور في وقت العتيم .. شف عادها بقلبي كبيره والمعاني زاخره

الأوله و الآخره والله و بالله العظيم .. الذخر يبقى لي ذخر فالأوله والآخره