قصيده للشاعر خالد بن دربي آل حبيش في الشيخ سلطان بن سلمان بن حثلين
القاها أثناء اللقاء .
يا مسوي الفنجال عـدّه لسلطـان
عـدّه لبـو راكـان ذرب اليمينـي
عده لشيخ(ن) يفعل الطيب طربـان
راعي الكرم والطيب فعلـه يبينـي
سلطان بن سلمان يا نسل راكـان
عز القبيلـة لا أمحلـنّ السنينـي
سلطان بن سلمان يا ذيب سرحـان
يا الليث يا الضرغام حامي العريني
سلطان بن سلمان يا طير حـوران
حرٌ ليا مـن صـاد صيـده ثمينـي
له مجلس(ن) ما فيه قفل(ن) وبيبان
مدهـال للطـيـب وللغانميـنـي
يفرح ليا منه لفـا البيـت ضيفـان
وسوه على الكبش المربى السميني
ودي أسمي الشيـخ هـذا بليهـان
شيّال حمل(ن) في القسا ما يلينـي
واختامها يا الله يا عالـي الشـان
إنـك تعـز الشيـخ ذرب اليمينـي
12-03-2010, 03:49 PM
العرض الشجري