مايوجع الرجـل ويعديـه عـن حـده
إلا الخطا لا غـدى راعييـه بالعانـي
يفـور الـدم والاعـصـاب مشـتـده
والله ماسامحه لو هـو مـن أخوانـي
أرض الله أوسع من الباحه ومن جـده
والصاحـب اللـي يدورلـي بيلقانـي
باشـد مـن ديرتـه والشـده الشـده
وباحط لي فـي مكانـه واحـدٍ ثانـي
باخلـي الارض دون حمـاااه ممتـده
ماهو يشرفنـي اليـا شفتـه وزانـي
باشوف ضده وبـا وقـف مـع ضـده
وأسبق خيوله يسرجها علـى شانـي
ياكثر ماجحد خطـااااه وطرفـي ألـده
بالطيب جازيتـه وبالعكـس جازانـي
وانا إلى أخطـا علـى المخطـي أرده
ماني قليصة نسابـه خاطـي هدانـي
شمـاغ وعـقـال لاهـاتـه ولا وده
هيكل وصـوره فقـط ياليـل يادانـي
عن هرج بعض العرب يامبعد الصـده
لاصـار ماهـو يقدرنـي ويـدرانـي
أجامل اللاش وأثر الـلاش مـن جـده
يومه على المسلك المسـدود يحدانـي
وقفت له وقفـة بليهيـن فـي الشـده
يوم حقروه الرجـال وصـار متدانـي
بس الجمل عـود براسـه علـى بـده
بعير قومٍ مع القاصـي علـى الدانـي
بكره إلى من توانـا ثـم طلـع سـده
بيقول يـا عزوتـي ياصلـب جدانـي
ولايحصـل سـوا ماقـدمـت يــده
يجزا بالاحسـان وإلا عكسـه الثانـي
(عساااه لا جاء لزومه عنـدي أسـده
وعساااي في حاجتي ماااروح له عاني)
سوااااااااااااااااااااااااااااااالم
للشاعر : راشد بن فلوه المري
21-03-2010, 10:28 PM
عساااه لا جاء لزومه عنـدي أسـده&&& وعساااي في حاجتي ماااروح له عاني
العرض الشجري