اهداء الى مهره بلا فارس 
سميتها بالوافيه واخذلتنى!!=وبالصادقه لين امتلت طيش واكذاب!!
وبالواصله لين ارحلت واتركتنى!!=وبالحانيه لين انتهى العمر بغياب!!
وبالأوله لين المواجع ملتنى!!=وبالغاليه لين ان ظنى بها خاب!!
واهم شى ان الطعون اقنعتنى=ولاعاد تغرينى تفاهات الاحزاب
واقل شى انى بعد ماجفتنى=قمت احسب لخطوات رجلينى حساب
تغافلتنى بالجفا وطعنتنى=وتمكنت لين افتحت عشرة ابواب
خمسه من الابواب يوم ابعدتنى=ملل- سهر -هوجاس -حسرات - واتعاب
وخمسه الا من الطيوف ازعجتنى=تفتحت بالقلب باب ورا باب
واللحظه اللى بينهن اوجعتنى=انى على نفسى ابدى لها اجناب!!
سيدتها فى كل عرق وثنتنى!!=واهديت من قلبى لها شعور بأداب
سكنتها بين الضلوع وكوتنى=وسكنتها الثتين مابين الاهداب
وكتبتها بالشعر لين ارهقتنى=مره هلا مره غلا مره عتاب
كان اسمى الاول ويوم انكرتنى=ماعاد تحسبنى ولاضمن الاغراب!!
وأنا انا لو الغبون ازملتنى=لازال وقتى يهدى لشعرى اعجاب
وصلت لاول صف ماوصلتنى=ولو انكرت هذا بلاابوك ياعقاب!!
لكنها بالطيب دوم احرجتنى=ورديت طيب بطيب وخطاب بخطاب
وحده من المرات حيل اتعبتنى=يوم انتبهت وكل عرق بمخلاب
انا وتنشد بس ليش ظلمتنى؟؟=وربعى وتنشد عنهم كتاب الانساب
لو جربت مره كذا وازهمتنى؟؟=تشوف كيف تصير قيفانى انياب
ولوجربت مره بعد واسمعتنى=تشوف كيف اخشى عليها الهوا الهاب
لكنها راحت ولا بررتنى؟؟=اقفت كذا من دون تبرير واسباب
الغاليه لو ابعدت واخذلتنى=الغاليه لو امتلت طيش واكذاب
25-04-2005, 04:22 AM
العرض الشجري