الأوضـــــــــاع

[بخيتان اليامي]

السلام عليكم ورحمة الله وبركاته،

امررها بين ايديكم متمنيا من الله سبحانه أن تحوز على رضاكم جميعا،

الله علم هو عاد الاوضاع بتـزين = وأشوف أنا حلم الطفوله حقايق

حلمٍ حلمته وأحسبه يوم يومين = وأثـر الـذي يـحـلم سنينه دقايق

والحلم ياأهل العلم ليته ملاين = على رصيد حساب وأملك وثايق

وليته معاند وقت ومقارعة دين = وألا فرج همٍ من سنين عايق

الحلم شوف اللي بعيد له سنين = ماعدت أنا للصبر والبعد طايق

حال القدر بالبعد مابيننا البين = وليت المعاند ذاق ماكنت ذايق

كان الحلول تهون في قرة العين = يشهد على ما قول رب الخلايق

بس البلى حدٍ يفرّق محبين = ليته درى ويحس في أب ضايق

ياللي تقول أصبر بعد ذا العسر لين = ياكيف تنصحنّي وأنا تو فايق

وسلامتكم،