مرحبا بك جديد ومرحبا بك قديم = مرحبا ياغزال كان واصبح ظبي
وين مارحت حبك وسط روحي مقيم = يامعلم دموعي تستبيح هدبي
في مجيك حشيم وفي مراحك حشيم = وسع الله لمثلك بالغلا مذهبي
في مزاجك تشتت حلم ذاك الحليم = وفي مجيك تللآشت ثورتي وغضبي
غلطتي في فراقك غلطة من حكيم = وانتظاري رجوعك حكمة من غبي
والله آنك لي آكثر من صديق حميم = مآذكر قبلك آن حد نافس امي وابي
بعد فرقاك ياما دجت ليل يهيم = الوساده غثيثه والمنام اجنبي
انت آيـه جمال من خبير عليم = كم سجدت وطلبته واستجاب طلبي
بعد عرفك تساوو في عيوني الحريم = انعم الغيد عندك تصبح اشرس صبي
والله اني ظلمتك لاوصفتك وسيم = وقتنا له مطالب واخرتنا تبي
بك تحفظ غريب وبك ميانه لزيم = وانفتاح انجليزي في ثياب اعربي
فيك خبث الغرور وبك براءة غشيم = المعاني قبيلي والجمال صلبـــي
وسط جسمك مجاعه يضطهدها النعيم = وفي عيونك آمان يبتليه السبي
لك عيون نظرها فيه حدة غريم = في المواقف شجاع وبالزمان يعبي
ماحصل منك حق عند عم لئيم = ان خذيته خسرته وان سمحت يهبي
ان خذيته لئيم وان تركته جحيم =وجعتن تنتقلها لحيتي وشنبي
لكن الحب شآنه في حياتي عظيم = في رجوعك نسيت وطاح كل حطبي
الخطا دوم وارد والمسامح كريم = المشاعر تحبك وانت منت بنبي
مثل ماسخر الله البشر لليتيم = سخر الله لاجلك حنظلي وعنبي
في غيابك لو اني ياحبيبي سليم =مانصيتك وانا اقعد مرتن واحبي
في غيابك نديم وفي حضورك نديم = اختصرت برجعوك جرهدي وتعبي
مرحباك بك تقدم لك من آقصى الصميم= تحمد اللي طلبته واستجاب طلبي
المحبه تجدد لك مع انك قديم = رحت مني غزال وجابك الله ظــــبي
صح لسان بن فطيس واذا فيه اخطاء املائيه صلحوها 
09-04-2010, 06:57 AM
العرض الشجري