الجبيـل الصنـاعيـة ..

[عامر الهاجري]

السلام عليكم ورحمة الله وبركاته ..


هذي للتواصل .. وأتمنى أن تحوز على رضاكم ..



البارحه والعباد هجود .. = جات الهبايب جنوبيه ..

إتل قلبي هبوب النود .. = صوب الجبيل الصناعيه ..

وأسج وأدله بلا موعود .. = هديةٍ جات عفويه ..

غايب مع العالم وموجود .! = جسمي فقط .. دون عقليه ..

كله سبايب سليل الجود .. = الي سطاني بـيآديه ..

الأريش الي عيونه سود .. = والقرن والرمش زوليه ..

والمبسم مقايسٍ بحدود .. = مكسراتٍ رفاعيه ..

لولا الحيا وأقشر المنقود .. = قلت إني فدوة مواطيه ..

خط أحمرٍ دون غض العود .. = روحي وعيني فداويه ..

حبه حكم صدري المسدود .. = من غير شلفا وجنبيه ..!

ومحدٍ شعآآ خاطري يا كود .. = ذكراه .. حكيه .. وطاريه ..

قد الغلا غايتي وقدود .. = الحب والطيب ماريه ..

شهّد علي ربنا وشهود .. = مبيوح عاد الدما حيه ..

يا محزمي يا عيال العود .. = لا صار فالعلم سلبيه ..

وصيتي ثاري الموعود .. = دعوه .. وذكرى .. ومرثيه ..

سهود يا سجتي ومهود .. = طيفه خذته الجنوبيه ..

ويا ليتني يوم هب النود .. = وسط الجبيل الصناعيه ..