قـصــيــدة اعجبتـــــــــنـــــي

[هيبه ابدويه]

وما دام لفعول الجمايل عشاشيـق
كسب الجمايل مايجـي بالسهالـه



ولو انها تشرب مع فكّـة الريـق
كلٍ خذاله كـل مـا أصبـح بيالـه



والطيب منوه للقلـوب المشافيـق
كـل يتـوق ومنوتـه راس مالـه



والمدح مايزهى على الرجل ويليق
الا لاصـارت وافيـات خصـالـه



يستاهلـه رجـل يفـك المزانيـق
اللي يقـال ونعـم لاجـا مجالـه



ومن ساقته نفسه وهو مابعد سيق
لأجـل الجميـل يزيّـن الله فالـه



والمرجله ماهي بتحتـاج تنسيـق
من بين قلب اللي عشقهـا وبالـه



ومن عادة الدنيا تخـون المواثيـق
تفتـرّ مكرتهـا سـواة المحـالـه



ولولا اللوازم ماعرفنـا المخاليـق
مانعـرف الرجّـال ليـن انعنالـه



والكفو تظهر فزعته حزة الضيـق
وينشاف في الشده بعيـن العدالـه



نسل الرجـال متّعبيـن الملاحيـق
متوسط مـن بيـن عمـه وخالـه



واللي يطيق ولا بغى قال ما أطيـق
تحرم عليـه المرجلـه والشكالـه



والهيّنه تكبر على اللاش والهيـق
له في الرخاء قاله وفي الضيق قاله



والطيب شاره والضماير صناديـق
والـلاش طيبـه ماتعـدّى ظلالـه



وأنا أسير قلوب الرجال المغاليـق
والصامت أقطع غايته مـن مقالـه



ومادام في الدنيا رجـال ومطاليـق
نصيتهـم والـلاش مالـي ومالـه