السلام عليكم ورحمة الله وبركاته
واسعد الله اوقاتكم
اليكم هذه القصيده الرائعه والجزله بمعانيها الجوهريه
وشاعرها ( مسلط بن شعيفان
والقصيده حصلتهاباالصوت من خلال رسائل البلاتوث وصاحب الصوت لم يعلن اسمه
عالعموم الله لايهينه وبيض الله وجهه
وصح لسان شاعرها الكبير وبيض الله وجهه
واحب ان اطرحها لكم وان شاءالله تنال رضاكم جميعاْ
المصادر وثيقـة والقرايـح عـذاب=ومشعل الحق بين ولـفنـاره سنـا
ياوسيع المعرفـة ياعزيـز الجنـاب=لايجي في فـوادك للرفيـق شحنـا
ولايجي بين عينك والحقيقة ضبـاب=للمواقـف رجـال وللنعيـم خـدنـا
من بنى ساس بيته على ساس خراب=بشره فـي حياتـه بالشقـا والعنـا
يارجال العدالة دققوا فـي الحسـاب=مقتفينا عـذاب عقـب مـوت وفنـا
مايجينـا جـواب لارفعنـا خطـاب=ولانعنـز بجـاه ولانفـك سجـنـا
وحن هل السلة اللي ماتعض النصاب=للمعـادي كعـام وللرفيـق عونـا
صابرين على البلوى برجوا الثـواب=وجاحدين المواجع والصـدور دهنـا
لين جلع من الغرنوق ولـد الغـراب=والرفيق المباري عقـب بعـده دنـا
ثم تذكرت والذكرى فتقـت الحجـاب=عن امـور كنيناهـا وطـال الكنـا
من هو اللي فتح للربع في الريع باب=في نهار ثـوى واحـد وواحـد ثنـا
وليلة العز حل وليلـة الـذل غـاب=منهو اللي على راس المحنـا انحنـا
ويوم الاربع عدن ثنتين وسط السراب=شرق دخنه قبل دخنه تصيـر دخنـا
ومنهو اللي ثنا كحيلان قدم الحـراب=يوم ذولا وذولا في المضيـق وزنـا
ومنهو اللي شرب فنجال شيب الذياب=شربة من شربهـا ردهـا ماهتنـا
من يدين تـورد صاملـة ماتهـاب=يـوم ربـي خلقنـا ماخلقنـا جبنـا
عددوا في المواقف وان نسيتوا جراب=مانبي لاحد منـه فضـل ولاحسنـا
ضربنا بالسيوف وقطعنا في الرقـاب=عدل الميل في المبنا وسـاس البنـا
تحت راية معزي في سبيل الصـواب=ماتوانوا عن الواجب وهـو ماونـا
احتكم للشريعة في نصوص الكتـاب=واستحق الزعامـة واستحـق الثنـا
عودنا اللي عسى الجنة لروحه مآب=طلبـة تتطلبهـا كـل الامـة وانـا
واتساءل مع نهاية مطاف الجـواب=وش شعور المـزارع لازرع ماجنـا
وســلامــتــكـــم
الشاعر / مسلط بن شعيفان
22-05-2005, 08:26 AM
العرض الشجري