قلبن ملكته

[عيد بن شدقان]

السلام عليكم ورحمة الله وبركاته

انا الذي جاني من البعد عبره=وانا الذي محروم من شوف الاحباب
وانا الذي زهب من البعد قبره =مخطور اموت امن الهوا وكل ماجاب
وياشوق انا قلبي نفذ كل صبره=معاد يقوا البعد عنك بلا اسباب
وقلبن ملكته زاد بالحب شبره=فاق المحبه بحجمها كبر واحساب
ولا يابعد من زاد بالقلب قدره=ياللي جرحت القلب بالسيف واحراب
وقلبي عليكم ياهوا البال يشره=والجرح ينزف له ليالي ولا طاب
وانتا دوا قلبي وطبه وجبره=اليا لفيت اتناظر العين بعتاب
ثمن همست بصوتك العذب نبره=وتقول احبك يابعد كل الاقراب
ثم يعلن الخافق على البعد نصره=ويقول رد الحب بالجوف سكاب
ولا ليالي البعد ياشوق ودره=ونا اشهد ان الحب ياشوق غلاب
وسلامتكم