البعد شاطي وانا من فوق موجه غريق=وطيفك لما اقبل علي اتقول قارب نجاه
أترد فيني الحياه وكل عرقا يفيق=وايطيب جرحا بدونك عاجزن في دواه
ياما تحريت طيفك للمواصل يويق=وتشرق علي نور شمسه واتلحف دفاه
شوفتك عندي مثل فزعه رفيق لرفيق=لاطاح والقوم من دونه ونصف ن وراه
ماشدني عقب وصلك للمحبه بريق=ولاشعاني الخيال اللي يشعشع سناه
بيني وبين الخلايق مثل جال المضيق=والا ضوى الليل قربت القلم والدواه
وامسيت وانا احسب الفرقا حساب ن دقيق=واصبحت والناتج اثقل من جبال السراه
خذني معك ملت اقدامي ضياع الطريق=انا بدونك مثل من ظل عقب الصلاه
عطني يدك واعتبرني مثل خاتم عقيق=وان حدك الوقت وردني على ماتباه
لاتاخذك عزتك بالاثم يا اغلا شفيق=الوقت دوار ماظني توقف رحاه
وانا تراني على العهد القديم العتيق=سرك معي حافضه والقدر حافظ غلاه
بحرا لو اغراك شطه بس جاله عميق=يبطي به اللي يغوصه مايلحق مداه
ماهو يليق بمقامي غير ماهو يليق=ولايليق بغلانا من يسومه شراه
هديت لك طير عذر ي من كفوفى طليق=وانت العفو في يديك ومن عفى له جزاه
لو النحل مايعرف اسرار عذب الرحيق=ماكان بنى بيوته بين جرف وحصاه[//poem]
25-06-2010, 10:27 PM
العرض الشجري