السـلام عليكم ورحمة الله وبركاته ..
أول أبيات سطرت لي .. واتقبل أي نقـد منكم ...
جــرحك بقلــــبي رغم طـول الليــــالي
يــــبطي وجرحــــه ذاكـره مـــا نسيتـه
وشلون ابنسـى عمـري اللي مضا لي
يومـك هـدمــــت اللي بكفـــــي بنيتـــه
عقـب العــذاب وشـوف ما قـد جرالي
ضــــــيعت مني حلمــي اللي رجيتــه
يوم عطيتــك والعطـــى راس مــالــي
ومـاغيـرك احـدا في حياتي عطيتــــه
ارخصت لأجل ارضاك لا ما كان غالي
وســـويـــــت أنا لـك كــــل شـئ بغيتــه
ما كنت أحسـب أنـك من الحب خـالي
همــــك تطــــــول اللي تبيـه ولقيتـــه
وين الزمــــان اللي بقـربك هنـالـي
وين العهـــــود وحكيك اللى حكيته
عاهــــدتني بالحـــــــب أول وتـالي
واخلفت يا الخايـن بعهـد خذيتــــه
حــرقت قلبـي بالخيانـة اقبــالــي
قـدام عينـي بعتنـــي وشتريــتــــه
حطمتنـي واسـرفت في ظلم حالي
وقضيت مـع حب جـديـد بديتـــــــه
تدري وش اللي عقب صـدك صفالي
جرح الفـراق ودمعـــي اللي بكيتـــه
وذكـرى تعيـد اللي مضـى في خيالي
والخـوف من شي يجي ما هقيتـــــه
ويــــل علي وقت بعمــري بقـــالـــي
لا ينقضـي الجــــرح ما قـد نسيتـــه
وســلامتكم ،،،
25-05-2005, 08:54 AM
العرض الشجري