لملمي باقي شتاتي يكفي طعنـات السنيـن
واقطعي دابر يقيني واسمحي لـي أشكـره
بس بعثرني عتابـك كـل ابونـا مذنبيـن
طهرنا ملح(ن)غسلنـا ماارتشفنـا سكـره
مالمحتي موت فيني...مالمحتي محبطيـن
ومالمحتي شي ثالث أعجز انـي اذكـره
وماسمعتي في سكوتي ثرثرة منهك حزين
انهزم باول صباحك وارتمى فـي دفتـره
ابتدينـا بالنهـايـه وانتهيـنـا مبتـديـن
والفلك مازال ماشي والكره نفـس الكـره
جلجلتنـا هالأغانـي كـم حنـا تافهـيـن
وانزوينـا للمذلـه كذبـة الدنيـا مــره
والحصاد اللي زرعنا في وجيه الغافليـن
مابكـاه الا الجـراد ومالقـى حبـة ذره
والمرايا اللي تكسر في عيون الطامحيـن
استغاثت باليباس اللـي تملمـل أخضـره
اعتزيـنـا بالـوهـم لله در المنهـكـيـن
وامتطاه الحلم فـارس والامانـي مجبـره
هزي جذع الهم يمكن فوق صدري تمطرين
السوالف والحكايا طيـش قيـس وعنتـره
تعجنين المستحيـل وماطرالـك تخبزيـن
للحمام اللي سكنـي ماسـأل مـن طيـره
تافهيـن ويائسيـن ومذنبيـن ومحبطـيـن
كلها اربع غصون(ن)في ظلامـي مثمـره
مكســور
31-05-2005, 10:26 AM
العرض الشجري