معدين جهال

[فارس القوافي]

السلام عليكم ورحمة الله وبركاته



قصيده جديده

معدين جهال

-

لـك الرضـا يالله فـي كـل الاحـوال=والحمد لك فـي ضيقتـي وانشراحـي
-
مريـت بالساحـه وقيـلـت مقـيـال=وازعجني بالساحـه .. كثيـر النباحـي
-
لقيت فـي بعـض المعديـن الاهمـال=ولالقـيـت ابوسطـهـم لرتـيـاحـي
-
ولاصـار بالساحـه معديـن جـهـال=انـا اعتبـر عـدم وجـودي فلاحـي
-
حـرام يـا مناحـي القّـي لهـا بـال=وشلـي بساحـت مبدعيـن الصياحـي

-
لحـد مـا يتعدلـن بعـض الاحــوال=ومهرجيـن الشعـر منـهـا تـزاحـي
-
مـادام شـي ٍ يامناحـي ولـو طــال=ولاني متحسـف علـى شـي راحـي

-
من الجهل تبنـي مـن الحلـم الامـال=وتمسي وضامن ينكتـب لـك صباحـي

-
اخذ الشعر واخذ الحكم واخـذ الامثـال=اخذ الحـلال اللـي اقلـه .. مباحـي
-
ماكل من حاول .. ولـه حيـل يحتـال=ولاكل ناجـح .... يستحـق النجاحـي
-
ولاكل ... من تلقا على راسـه اعقـال=انسـان عاقـل مـن جميـع النواحـي
-
ولاكل منهو قـال ... يفعـل اذا قـال=ولاكل صاحي عقل .. له قلب صاحـي
-
ولاكل منهو طاب .. طيبه مـن الخـال=ولاكل طاحي .. من ظهر رجل طاحي
-
الطيب ... ما يركب على بعض الاشكال=ولاعـاد تحتـاج السـفـن للريـاحـي

-
للعذر مخـراج ٍ ... وللطيـب مدخـال=وللفعـل رد ... وللخطايـا سمـاحـي
-
ولو ان ربـي خالـق الطيـب رجـال=كـان انخلـق فـي خلقتـك يامناحـي

-
لـك الرضـا يالله فـي كـل الاحـوال=والحمد لك فـي ضيقتـي وانشراحـي
-

وسلامتكم

فارس عفاس