(( لا تصب فنجال ولاتجيب شاهي ))

[العيطموس]

راقت لي واتمنى ان تحوز على رضاكم

للشاعر محمد مقعد السبيعي





لاتصب فنجال(ن) ولاتْجيب شاهـي

اللي تبـا تسويـه لارحـت سـوّه

يا سعود آخر جية(ن) لي متى هي!؟

صاحبْك له شهرين محتـاس جـوّه

ماهو هوى عيون البنيّ السواهـي

لكن شقا قلـب(ن) ضنـاه التـأوّه

كل(ن) معا ليـلاه ياسعـود لاهـي

وانا غصِب باني مع الهـم خـوّه!!

كل ليلة(ن) ياتـي وحالـي كماهـي

تبقى بخبره , وهْو ِ مابـه مـروّه

متمكن(ن) في القلب آمـر وناهـي

ومن الضلوع العوج يحطب لضوّه!

وليا تعبت يزيـد ضغطـه تجاهـي

كنّه يقول اصحى تـرا الليـل تـوّه

عذر التعب ياصاحبي عـذر واهـي

هات الشعر خابرْك شاعـر مفـوّه

وابقى على ذالحـال مـادام راهـي

شعر(ن)يسوقه فكر شاعـر متـوّه!

ياسعود شعـري ماكتبتـه تباهـي

والا أغطـي عيـب والا أمــوّه

هو ثوب بعيون المخاليـق زاهـي

لكن أخـاف مْـن العـواذل يشـوّه