صدفة

[شيوم العجمي]

صدفه تلاقينا بدون مـيـعـاد
وماخطر في البال إنه ضنيني

في جيته لي تباشير وأعياد
وفي غيبته كن الهموم تشقيني

ماكنت أضن الحب نار بلا وقاد
نار لهيبه في الحشا ماتبيني

مشيت في حبه طايع ومنقاد
غصب المحبه باديه في جبيني

صياد ياصياد واليوم منصاد
سهمن ركز في داخل القلب فيني

أدري بحبه لي والقلب والشوق يزداد
حب ومحبة لقى زايد حنيني

وبدت علاقتنا على الكيف وبدون العناد
جتني على كيفي وعيت تجيني

أبطت معي وتقول يافلان مو كننا بعاد
أنا بعد بكره نصيبي بيجيني

قلت العفو خليني على المعتاد
أقضي على ذكراك باقي سنيني

صعبه أشوفك معا زوجٍ والأولاد
وأنا أحبك وإنتِ ياعمري تجافيني

لكن بقص الشك بالعلم الوكاد
علمن وكاد يريح القلب الحزيني