عنــــــدي عـــــلاجك

[الجـــــــــادل]

إسهر مع اللـي تسهـر.. الله يهنّيـك ما دمت متكيّـف .. ورايـق مزاجـك

إضحك وخل الناس حولـك.. تسليـك لا صـار همّـك بـس فلّـة حجاجـك

أنـا ومـن كيفـي ترانـي مخلّـيـك مابـي مـع العالـم ازيـد انحراجـك

ولاّّ تـرا بيـدي.. اجيـبـك أوديــك وإن كنت تتميرض.. فعنـدي علاجـك

لكن تهنّـى يـوم.. يوميـن.. تاليـك ترجـع تدوّرنـي بامـسّ احتيـاجـك

وانـا ليامـن جـيـت والله لـورّيـك وشلون تجعلني علـى الـراس تاجـك

يعني لأنـي كنـت بالحيـل.. مغليـك احرص على رضياك .. واقضي حواجك

تتركنـي لحالـي مـع الله وطـاريـك تسهر مع غيـري واشـوف اندماجـك

طيب خـلاص تشـوف آخـر تغليـك وتشوف ضيقك ليه.. وليـه انزعاجـك

أنـا مـن الليلـه ببـطّّـل أنـاديـك بسهر مـع نفسـي واطفّّـي سراجـك

واسمع وهـي كلمه..ترانـي أحاكيـك ماني علـى كيفـك ورغبـة مزاجـك