(( سبــعة قلـــــوب ))

[ناصر البرغش]

السلام عليكم ورحمة الله وبركاته

كيبورديه بعد غياب,,أتمنى أن تشفع للغياب

يا مرحبا يالهاجس اللي حافني من كل صوب=عقب البطا كنه يترجاني على شان أكتبه
الدرب وين وقال يا ناصر على كل الدروب=دام الدعاوي فالبلاد إمبعثره وإمرتبه
شاعر مزاجي,,, والبلا عندي بنات أفكار عوب=يجذبني المبدا وقلبي بنت أبوها تجذبه
وان قست منظور الثقافه من شمال ومن جنوب=شفت العقول إصغار والدينار كلٍ يشعبه
لا شك حنا شعب لكن غير عن كل الشعوب=ما نتبع إلا شارب الإعلام لا مس شنبه
إنكذٌب الصادق ونتبع هرجة الرجل الكذوب=لو كان بأنفسنا نقول الرجل ذا يا مكذبه
واستثني الطيّب لو إن الطيب مايل للغروب=وجهة نظر شاعر يميز بالوجيه وبالشبه
وان عودت لمصامخ الروس وطواحين الحروب=من عال حنا ندبه من عال حنا ندبه
أفعالنا ماهيب دبلاجة مقاطع يوتيوب=ياللي تزور في تواريخ العرب بالمكتبه
تومي ليا هبت على راسك من القبله هبوب=مثل الهنوف اللي يميل إبها الدلع فالملعبه
مانيب رايق للسياسه وأنت يالترف اللعوب=جعلك بعد ذاك السفيه اللي مضيع منصبه
إتذوب ضلوعي وقلبي لا سمع حسك يذوب=واتصبها في كاس حبك والحبيشي يشربه
يا ليت للعاشق ليامنه عشق سبعة قلوب=ستة قلوب إسبير والسابع فدا لمذوبه

وسلامتكم