حا الفراق

[الفقيرلله]

(حل الفراق)

حل الفراق وسالت دموع الاحباب,,,

في ليلة غصبن علينا رضينا

الليله الي ماحسبنا لها حساب,,,

ولا حسبنا حساب فرقا حدينا

ليله بها دمع وتناهيت واعصاب,,,

معاد ندري وش لنا وش علينا

فارقت فيها سيد تلعات الارقاب,,,

اللي نبيه وندري انه يبينا

يانور عيني كافي دموع وعتاب,,,

اللي حصل مقسوم ماهوبيدينا

مجبور في غيري وانا منك منصاب,,,

هذا النصيب الي هدم مابنينا

ليته حصلي من محبتك مجناب,,,

او ليتنا ياصاحبي ما التقينا

عزي لقلبن هزه البعد وارتاب,,,

عليك يا اللي بالغلا محتوينا

اخفيت حبك عن قريبين واصحاب,,,

وكتمت سرك عن هوى الحاسدينا

حبك بوسط القلب لوغبت ماغاب,,,

ماينمحي لوطال بعدك سنينا

قبل انتفارق قلت بهديلك كتاب,,,

كتبت فيه ايامنا اللي مضينا

فيه الرضا فيه الزعل فيه الاسباب,,,

فيه اللقا وايام رحنا وجينا

واقفى ودمعه سال من فوق الاهداب,,,

هو مبتلي فينا وحنا ابتلينا

خبري بزوله يوم قفى من الباب,,,

حسبي على الي فرق((العاشقينا))

من دون*خللي*سكرت كل الابواب,,,

يا مال فرقى العين كان انتهينا ؟؟؟؟؟