وش لي برفقه واحـدٍ لاحتجـت لقانـي قفـاه....بلسانه ابشر با السعد عونك وبا الفعل رخمه

[سـحـآيب]

تدري وش اللي يصدم الرجال في بعض اخوياه
وجودهم في النايبات الملزمـه مثـل عدمـه
وتدري وش اللي يقهر الرجال ويبيـن خفـاه
الا بغى المحـزم ولا عيـن ذخايـر محزمـه
من غير ربعٍ ينقلون الحمل جعل امحق حيـاه
امحق حياه توجع الرجـال غصـب وتلزمـه
وين الرفيق اللي الى ابطى صاحبه يومين جاه
يفرح الا شافـه وياقـف لاتضايـق وزهمـه
لايارفيقي والرفيق الى خطـا يدمـح خطـاه
ماهو يدور زلة الصاحـب وعثـرات قدمـه
ياصاحبي والطيب لاهل الطيب مايخفـى نبـاه
الطيب للطيب بلـد محكـوم والذكـر علمـه
وش لي برفقه واحـدٍ لاحتجـت لقانـي قفـاه
بلسانه ابشر با السعد عونك وبا الفعل رخمـه


سعد بن جدلان