صور من حجتي ذالسنه

[al_maaas27]

السلام عليكم ورحمة الله وبركاته ..
هذي شوية صور من حجتي ذالسنه طبعا هي اول حجه لي واخر حجه ولحد ينقد علي على ذالكلمه لان اللي حج ذالسنه بيعرف قصدي وترا سيول مكه اللي جاتها ترا ذي من دموعي ابكي من رحت لين عودت لاني شفت ومريت بشي يهول له العقل اللي اخر شي حتى باب الحرم سكروه يوم فاض من الناس لو احسب الكيلوات اللي مشيتها تجي يمكن 50 كيلو خلال ذالحجه قلة نوم وقلة اكل بس اخر شي اقول الحمدلله ياربي وانشالله ان ذالتعب زيادة اجر
اول شي صور من منى وتشوفون في الصورة الثالثة قطار المشاعر طبعا اللي ماركبته انا للاسف













وهذي صور لرمي الجمرات بالطلعه طبعا لاني ماتجرأ اطلع تليفوني داخل اخاف احد يفلعني بالحيد وهني بوقف شوي واقول الله يعطيهم الصحه والعافيه والله ماقصروووووو الشرطه اللي كانو منظمين الحج جاهم تعب اقسم بالله يهد جبال بس مع كذا تشوفونهم عيونهم على الحجاج خاف يحتاجون مساعده مثل ماصار معي يوم ضعت من اهلي بالرجم وشافني شرطي طبعا دموعي اربع اربع وقالي وكليني بس انا من الحرص الزايد لانها اول حجه عييت قال خلاص امشي معاي وسوو علي دائره هو واثنين من ربعه لين قربوني من المرجم وقالي يالله ارجمي ورجمت وخلصت وماخلوني لين عينت اهلي وطول حجتي وانا ادعي لهم ربي يفرجها عليهم << حكي واجد ادري بس من الفرحه اني عودت حيه








وهذي صور بيوم العيد طبعا صلينا العيد بالحرم بعد طواف وسعي الافاضه ملاحظه ترا اهنيه صارلي يومين مواصله بس قسم بالله ماحسيت بشي كنت مستانسه وانا اسمع تكبيرات العيد بالحرم وصلينا ورا سديس شوفو الحمام منظره يشرح الصدر








^
^
^
طبعا ذالمزيون اللي بالصورة مانتبهت له الا وانا احطلكم الصور

طبعا ماصورت كثير لاني كنت مرهقه صراحه ولا كان ودي اصور السيل والمطر يوم جانا بس خفت تجيني صاعقه وانا اصور<< ذليييييييييل

وبسسسسس وعسى الله يتقبلها منا ويكتب للي ماحج حجه مسيره يارب ..