هااااااالاااااات

[محمد ضرمان الشولاني]

السلام عليكم ورحمة الله وبركاته

صبحكم ومساكم الله بالخير جميعاً

هذه قصيدة خرجت من اعماق القلب وتعني لي الكثير وارجو ان تنال اعجابكم........

هامت حروف الشعر في وصف ذاتك=ضاعت وصوف الشوق من صادق الشوق
جفّ القلم مذهول باجمل صفاتك=يزْهِي الورق وصف ٍ تكامل به الذوق
أحلى من الشهد المصفى حلاتك=ينساق لك قلبي من الحسن لك سوق
نعسة عيونك فوق ذبلة شفاتك=من فوقها موج ٍ وهالات من فوق
زهرة حياتي نبعها من حياتك=في داخلي نبضك شرايين وعروق
رمشي جلالك وسط عيني مباتك=نفسي صحاري وانت همّال وبروق
عندك هناتي وانت عندي هناتك=لا صار عشق ٍ وثّقه عهد موثوق
أغليك واغلي جمرتك من غلاتك=ولو صابني منها غرابيل واحروق
ابغيك ونفسي جاهدة في لقاتك=شمسك وصال ٍ نوره اشعاع واشروق
كان الثمن نفسي فخذها وجاتك=يكتب على قبري شهيد ٍ لمعشوق
بكتب وصاتي وادعلي في صلاتك=ارحم عشيق ٍ فارق الروح بزهوق
وان كان عشق ٍ وافي ٍ من سماتك=عجّل على من صارع الموت برفوق
وان كان غيري مقصدك في طراتك=نفسي وحش ما قيّده وكر وسبوق

وسلامتكم،،،،،