مدخل :-
عقبني الفنجال انكان رديت = ولا تيلفوني زهم تيلفونه
اترككم معها
ياقلب انا طعتك واشوفك تماديت = أسمع قبل نبضك يوقف شٌجونه
مانيب انا اللي عادي ان رحت وان جيت = انا الذي لاأقفى بقوا يذكرونه..!!
برقٌ تراني منك ياقلب عانيت = وعندي نقص قدرك وأحسبك تصونه
زهمتني.. وجبتك .. ولجلك تعنيت = وكله عشانك لجل شوفة عيونه..
وصارت مشاويري من البيت للبيت = وطال الصبر والرأس جنت جنونه
ماكنت أحسب أنه اذا غبت وابطيت = ان البطى والبعد بيغيرونه
والحين: انا شليت درعي وسليت.. = سيف الرحيل بنفس حيل مغبونه
وكانك خوي الدرب ياقلب حييت = روٌح ترى محاكيك خابت ظنونه
وكانك تبي المقعاد .. كفيت واوفيت = نبضك واحساسك انا أعيش دونه
والله لا ابيعك بأول السوم ما ابطيت = وأشري بدالك قلب مابه ليونه
أنت تعرفني زين لأقفيت صديت = وأموت ما اقبل حياة المهونه
وعقبني الفنجال انكان رديت = ولا تيلفوني زهم تيلفونه
بعض العرب يفرح ليا منك اقفيت = وبعض العرب لأقفيت تبكي عيونه
لـ العضو / أشهب اللال
مخرج :-
مانيب انا اللي عادي ان رحت وان جيت = انا الذي لاأقفى بقوا يذكرونه..!!
صـارت مشـاويري من البيت للبيـت .. [ New ]
العرض الشجري