سر ياقلم واكتب مفاهيم الحقيقه باختصار
.....................للعزوة اللي يفتخر تاريخها بكتابها
حنا هل الخيل الصفر واهل الفعل واهل المهار
..................واهل السيوف اللي يهابون العدى مضرابها
واهل الفخر واهل الكرم واهل المواجيب الكبار
....................واهل بيوتٍ للطراقي ماتصك ابوابها
ويسدنا يوم المعاارك فعلنا ذاك النهار
..................... يوم البيوت العامرة طار الهوى باطنابها
رماحنا مضرابها عظم النحر تحت الزرار
......................والجد الاول في مضاريب النحور اوصابها
واليا احتزمنا للمعارك بالبلاجيك القصار
.......................سهومنا وسط المعارك شر من يبلابها
يوم الصدور تفوح من غيض المشاعر فوح نار
........................والناس من زايد قشرها ماتحكم اعصابها
نقدم لها كيد..وسطا ونعدها رد اعتبار
..........................واليا دفنا شوكة الخنجر نهز انصابها
وكم راس شيخٍ تاكله منا مخاليب الحرار
......................... ونكرمه لاتحتويه البومه بمخلابها
كله على شان المكان الزين..ولشول البكار
..........................اللي ماتمنع عن قرارة نجد لاترعابها
سوداء يكفيها الوسم اللي عليها من يسار
.........................تزهاه بالهيبه وبالمنظر ويزها ارقابها
والفعل في ذيك الليالي رد ظلم...وحفظ عار
..........................لولاه يمكن يختلط دم العرب بأنسابها
ندري بأساليب الحروب ونبتكر فيها ابتكار
........................والقسمه اللي ماتسر العين مانرضابها
رجالنا عند المهمه من يمين ومن يسار
..........................لو تقتسم منه المصايب مايحسب احسابها
والله لو تنضب مياه الارض..وتجف الديار
...........................انا لنفتح للبلاد ابواب غير ابوابها
ونجدد التاريخ بأفعالٍ مثل شمس النهار
......................... تطلع ويطلع من طلع من بعدنا يقرابها
وكل القبايل مثلنا ماحن نهثم اهل الوقار
.........................فيهم ارجالن في القاء معروفة ويداربها
بدون اقصور في باقي فخايذ ال مرة وجميع القبايل .. وسلامتكم .. منقـــــول .. الشاعر من شعراء ال بحيح ..
14-12-2010, 10:33 PM
حنا هل الخيل الصفر,,,,
العرض الشجري