ارفع مقام النفس عن كل الانذال و اشوف لي ناس على مستوايه ..}

[الـمـزيـونـهـ]

ما كـــــل ما يسمع من الناس ينقــال
أكثر كلام الناس مثــــــل الدعــايـــه
اسمع ودع تسلم من القيل والقــــال
لو قلت( كلــمة) طوروها (حكايـــه)



السر خله من وراء سبعة أقفـــــــال
وراقب مفاتيح الضميــــــر بعنايـــه
لا تحسن الظن في كــــــــل الأحـوال
خلك حريص ولا تســــــــوي كمايـه



ما كنت أفرق بين( طيب) و( بطـال)
حتى جمعت من (التجارب) كفايــــه
ورتني الأيام فـي كــــــل (..........)
علامـــة ما تكتشفهـــا المرايــــــــه





ورتني الأيام في الناس عقـــــــــال
ما تنخدع بين( الفتن) و(الوشايـه)
ورتني الأيام في الناس (جهـــــال)
دار الزمان ولا لهم به درايـــــــــه





ولقيت في الدنيا تجاريب وأمثــــال
ميزت فيها (صاحبي) من (عدايه)
لقيت بعض الناس صاحب ومحتال
يضحك معي ويسبني في قفايــــــه





ولقيت بعض الناس (للهرج نقال)
تلقاه نقل الهرج عنده(هوايــــــه)
هذا دواة البعد لو عشت رحـــــــال
حيث الردي (فرقاه) غاية منايــــه




دار بها يمسي الفتى خالي البــــال
ودي بها لو كان ما ألقى عشايـــه
وإن كان مال الوقت والوقت ميـال
أصبر على جرحي وأدور دوايـــه




وأشيل همي في ضميري ولو طال
رجاي في اللي ما يخيب رجايـــــه
(رب) كريم يبدل الحال بالحــــــال
ويطيب جرحي من خلاي بخلايـه




وليا زبنت أزبن على طيب الفـــال
اللي يهلي يوم يسمع ندايـــــــــــه
وارفع مقام النفس عن كل (الأنذال)
وأشوف لي ناسٍ على مستوايــــــه