أحلام سعد وضيدان :)

[فلاح بن ملبز]

أحلام سعد وضيدان:




يقول سعد لضيدان:


ضيدان ماودك نشكل عصابــــه == نحتل بعض بنوكها والمحـــلات

اما يجي لي ولك قدر ومهابـه == واا تبيتنا بيات الشريفــات

والرجل ودك يشتهر في شبابـه == بالطيب والا بالعلوم الرديات

ولايهتني في اكله ولافي شرابه == الين تطلع صورته في المجـلات


رد عليه ضيدان وقال:


لا تحسب ان ياسعد وســط غابـــه == هاللي تروالك تراهن عمــــارات

وموضوعك اللي جبته كله غرابــه == والظاهرانه سابع المستحيــــلات

واخاف لا تنبح علينـا الكلابـــه == ثم هات نسلم من مخاليبها هــات

ويابوك ما عمري دخلت النيابــه == ومن العمر مابقى كثر مافــــات

وان كان تبغى الراي قبل يغدابه == من واحد جرب جميع الحيـــــالات

خل الحطب للي يعرف الحطابــــه == نهارنا شمس(ن) وفي الليل لمبات

وسلامتكم