يقول من عصب عيونه عن محاسن جارته

[محمدالعمار]

[[po

يقول من عصب عيونه عن محاسن جارته=وان غاب واليها غدى نعم العوين اخ لها
ماثارته لو هي تحاول تفتخر باثارته=اثارته في روضة المسجد وروعة ظلها
والرجل لا منه فقد دينه على نعارته=لاتامنه في طفرة الدنيا ولا في قلها
والرجل لا منه تهاون بعض الاشيا بارته=يفطن لها قبل الحسايف ينحني من شلها
ولا يغره انه اصغر واحد في حارته=يبدي صلاحه خير ماتبدي ذنوبه خلها
والرجل لامن شاخت اطماعه على صقارته=مثل الذي كفه على حر اللهيب ايصلها
والرجل لامن ذاقوا اقرابه حمم قشارته=كنه يقطع فالغصون اللي يضله ظلها
والرجل تبقى سمعته عند العرب تجارته=الناس ماهي ناقصه علات يوم ايعلها
اخير له يخفي ولا يظهر لهم حقارته=يمكن تجي له دعوة الصالح بخير كلها