كان قلتي... (الله أكبر على صبر البشر!)

[محمد المجول]

إيه ياوقتي وش أقسى من جروح الضمير=طعنت ٍ بالجوف تسوى سكاكين الدهر
الخفوق أدمى ولا له معين ولامجير =إن سكت ميّت قهر..وإن حكى ميّت قهر
أتصبر وأترجا وأصلي وأستخير=وفرحتي ياقلب ساعه وحزني له شهر
كنت أشوفه عشق عيني ومامثله نظير=لين قفى عن عيوني وأخذ معه النظر
لاتطير البعد قاسي طلبتك لاتطير=وأنت لي حلم الطفوله وأنا جيتك قدر
إن تحملت الهجر ماتحملتك هجير=فوق صدمات الليالي وطعنات الغدر..
مارخصتك وأنت فيني شويه من كثير=يوم نصفي لك محبه...ونصفي لك سهر
ليت لك ذيك البصيره على القلب الكسير=كان قلتي... (الله أكبر على صبر البشر!)