احترامي لك منـع بوحـي بوجـدي
ولجل هـذا نبقـى عنـد الاحتـرام
لاتسيئي الظن,,, قصدي الوضع جدي
بينـي وبينـك برسمـيـة كــلام
ونا لـو ودي ابـوح بجـوف ردي
مـن محبـه.... مايكفينـي هـيـام
كـم الّـوح لـك ومـد ولاتـمـدي
عيني تشوفك وتقصـر عـن سـلام
لو رخيت الحبل لـك قمتـي تشـدي
ولو اشـده صرتـي عقـدة التـزام
ادري انك فوق عـن كـل التمـدي
وادري انـك بنـت كلـك احتشـام
بس مافي الـود عيـب ولا تـردي
يكفي انـك حارمـه عينـي المنـام
مافهمتيني,وقصـدي كـان قصـدي
ان مقـال الحـب يبقـي لـه مقـام
مافتنـي غيـر انـك كنتـي قـدي
بكـل ماتعنـي المحبـه مـن وئـام
لو زرعتي نيتك فـي بيـض يـدي
ماجنيتـي غـيـر زرع الاستـقـام
شامخـه بالـود وانفاسـك تـعـدي
بيـن انفاسـي اريــج وابتـسـام
لو تصدي ماتصـد اصـداء صـدي
ودكـم جـاري بأنفـاسـي خــزام
بعدكم عن نبع قلبـي غيـر مجـدي
دام ودي فـوق ارضـك كالغـمـام
ان ضميت ارويك من فيضـي وودي
وان جرحـت اجيـك كلـي التـئـام
ورغم هـذا البعـد ماجيـز التحـدي
الجفاء فـي الـود عكـس الاهتمـام
احترامي لـك منـع اشيـاء ضـدي
واحترامك لـي منـع بـوح الغـرام
هاك شعري جاك في اسطول مجـدي
انهزمنـا ونتظـر منـك الـوسـام
17-05-2011, 02:54 PM
[/quote]
العرض الشجري