اليوم يا خلي دنا وقت فرقاك..!!

[الفريض]

اليوم يا خلي دنا وقت فرقاك
هذا الوداع اليوم امره تبيّـن..!!

ما الشي ذا برضاي ولا الشي برضاك**
غصب علينا يا وليفي تعيَّـن..!!

وش الجهد والقلب ما يعشق سواك**
غير أتحلى بالصبر واتزيَّـن..!!

والله لو ان قربك بالأموال.. تفداك
لو اجمع امواله سلف وتديَّـن..!!**

وإليا بغيت انساك.. وشلون بنساك**
وانا ادري النسيان ماهوب هيِّـن..!!**

يرمي بي الهاجس على جال ذكراك**
ويسقى علي الشوق ما صار ليِّـن..!!

من قبل لا احبك ومن قبل لا اهواك**
الدمع مثل الذنب والجفن ديِّـن..!!**

واليوم عقب البعد ماهو بيخفاك**
سيله على وادي محياي بيّـن..!!**

حاول تناساني وانا بتناساك**
نصبر لحكم الله.. والله يزيِّـن..!!**

عساني ألقى واحدٍ كنه إياك**
وانا ادري ان ماني بمثلك معيِّـن..!!

وآخر طلب تكفى تلبيه وأرجاك
دام الوداع اليوم امره تبيَّـن..!!

لاعاد اشوف الحزن يغشى محياك
غصبٍ علينا ياوليفي تعيَّـن..!!