يآللى تدور بي عذاريب وظنون ... يــآللي تدور لي علي القول زله ...!

[جـاركـ الله..!]

بسم الله الرحمن الرحيم

السلام عليكم ورحمة الله وبركاته

اسعد الله جميع اوقاتكم بالخير والمسره

اقدم كل ماهوو جديد وراائع للشاعر / سعود ابن محمد الجبرين .

وارجوو من الله ان تنال علي اعجابكم

والان اترككم معى القصيده

********

قصيدة عذاريب وظنون

ياللي تدور بي عذاريب وظنون
ياللي تدور لي على القول زلّه
أرفق على نفسك يا جاهل يا مطعون
كيف الردي في درب الأبطال علّه

لا تنطح اللي يرفعك يا ملى الهون
اعرف مقامك زين عند الأجلّه
ارحم ملايكتك..علامك؟ ترى الكون
يسكنه أنا.. وأسياد الأسياد كلّه

ما هو غرور ولكن ادري يا مطمون
هذا أنا بشوفك.. وتراه بمحلّه
يكفيني تدري انك رخيص مغبون
يكفيني تدري إني للجاه خلّه

اعتزّ في نفسك تمشيخ على عفون
لكن إذا أطروا عمامك فخلّه
يا تيس لا تنطح ترى الناس يدرون
دام إن علمي شمس دور مظلّه

حتى لو إني غبت بأحضان الكفون
قبري بكونك مثل شمسٍ مطلّه
لكن أبي أذكرك في بيت موزون
والله تفاخر به ونسلك يفلّه

دام إن لي بشت ترزه لي متون
خلك بخلفه أو تذرى بظلّه
واجلس بمجلس شايبٍ يرفع الدون
مجلس محمد كان دربك يدلّه

تلقى به من الطيب والمسك و دخون
و أقدع خلاص التمر من نخلةٍ لّه
ثم اشرب الفنجال اشقر به اللون
و الهيل به سرّ المبهّر بدلّه

وانطح قصيدي كان لك فيه يروون
من يحفظون العلم من دون زله
حتى ولو لك بالشعر قاف مجنون
والله لا أهين القاف والله وأذله

وأتركك مع خيك وخيك تغطون
مثل النساء عورة عن الناس كلّه
هذا قصيدي أعسفه لك على النون
واختم شطر قافي على وزن للّه

وسلامتكم

مـــرآآآآآآآآقلي .

مع خالص تحيااتي للجميع .