أخر قرارك ..؟

[عبدالله ابوعجيم]

تـوي أفسـر دمعتـك يــوم تقفـيـن=تـوي عرفـت أسبـاب أخـر قـرارك !!
أنتي رحلتي بس مدري علـى ويـن..!؟=وانـا بقـيـت بدنيـتـي فنتـظـارك !؟
يـا غايبـه رغـم أختـلاف العنـاويـن=ورغـم المسافـه بـيـن داري .. ودارك
أكتـب قصيـده حبرهـا دمعـة العـيـن=وأنثـر شعـوري فالـغـرام وأشــارك
على أمل صدفـه مـع الوقـت (تقريـن)=وتكون من عقب الغياب (أختبـارك)..؟؟
هذا حصـاد أحـزان فينـي مـن سنيـن=أرهنـت جنـة دنيتـي وســط نــارك
حلفت ما اضـوي شمعتـي ليـن تاتيـن=ياللـي أنكسـاري فالغـرام أنتـصـارك
أجيك انا .. وأغيب .. من حين .. لي حين=حتى حفـظ وجهـي اهـل بيـت جـارك
واقول فـي نفسـي ليـا جـوك غاليـن=يـااا سعـد عيـن اللـي تهـنـا وزارك
كل ما لمحتـك مـن بعيـد أرفـع يديـن=وأدعـي عسـى ربـي يوفـق مسـارك
وترجع بي الذكـرى وانـا اقـول أميـن=يـا جعـل بيتـك فـي هنـاه إيتـبـارك
لـو تنظريـن الـحـال والله (تبكـيـن)=ومن الاسى تصفـق يمينـك يسـارك !!
انـا تعبـت مـن الولـه كـان تـدريـن=عجـزت ألملـم فالشتـات أختـصـارك
ملامحي ماهي علـى خبـرك أتزيـن !!؟=ملامحـي هذي ضحـيـة دمــارك
قولـي لدمعـك كـان بالحـق تحكـيـن=مانـي عـدوه يـوم ياخـذ بـثـارك !؟
مـا ظنتـي سهلـه فــراق 4 سنـيـن=أظنهـا تكـفـي تــرد أعتـبـارك ..!؟