قصيده في "عبدالله بن فلاح المتلقم"
لو التحدي بالقوافي والابيات
بكتبت بعبدالله مئات القصايد
لكن بتلحقني جموع انتقادات
لانه كفو من دون بدع الفرايد
اسمك مثل يضرب مع الطيب بالذات
وفيك الكرم يفخر بصف الموايد
ومع التواضع باني ٍ لك علاقات
اسستها من دون كسب الفوايد
وفيك الحميه حامله للشعارات
أنا لابن عمي نهار الشدايد
سبحانه اللي خص فيك المروات
واللي جعلها كل يوم اتزايد
لانك نسل عود ٍ يروم الطويلات
والفعل بين والشواهد رصايد
إبيك شيال الحمول الثقيلات
يوم ان غيره مالتزم بالعوايد
واعظم فعل مجلس يقصر مسافات
غنا على ذكره حمام الجرايد
والله لو تطول فيك الإشادات
تقصر بحقك يا وسيع البنايد
حبيت أعبر والمشاعر بالابيات
ماخلت افكار المحايد محايد
31-10-2011, 03:11 PM
العرض الشجري