يامحمد ابن الذيب

[سالم الرتيبان]

اهداء للشاعر الكبير محمد ابن راشد الذيب

الله يفك عوقه

[

يامحمد ابن الذيب غنيتها عصير = ياشاعر جال الوفا والحميه

يلي من ابداعك كسبت الجماهير = وحطوك كنق الشعر والنار حيه

والي تردى لايسوق المعاذير = وقت الصمايل عارفن من خويه

واهل الوفا من يوم جات المقادير= صاغوا لك بيوتن فريده نقيه

اصبر يابو حمدان والصبر به خير = لنك جمل حمله يازبن الونيه

شليت حملك واتباهى على الغير = يوم سمعو صوتك غدو كالرعيه

لنك ولد راشد سليل المناعير = ذكره تعدى حدود نجد العذيه

ذكره مع اهل الطرق ورد ومصادير= الناس ترقب له بروحه وجيه

ذكره مع الوافين مافيه تقصير= يلمع كما نجمن تلالى بضيه

عساه في قبرن كسته النواوير = ويشفع له الخلاق رب البريه

( ويالله ياوالي عليك التدابير ) = ياعالمن كل الامور الخفيه

فرج لبو حمدان سوق التباشير = للي نطر شوفته صبح وعشيه