نصيحة الشيخ الشاعر علي ابن بلال :شاعر يام لإبنه : فهد .

[الماردي]

نصيحة شاعر يام : الشيخ علي ابن بلال الـيامي
لأصغرابناءه
( فهد ) .

إليـكم هـذي القصيدة
.
.
آلـرآئـعـه !

يافهد باسمّعك من لســـــان ومن ضمير=ماشـــغلني حب ذاتي ولا أشغلني سفيه
يافهد من قال لك مابقــــــى فالناس خير=يوهمـــك لاخير فالناس وان الخير فيه
قل وانا واياك والدرب منقــطــــع النظير=يوصـل الكذاب بيته وبيت امـــــه وابيه
كـم كبير ٍ فالرخاء ســــاعة الشده صغير=مر جفــول ٍعن سـباع الخلا من يحتميه
وكم صـــــغير ٍفالرخاءساعة الشده كبير=ينطح الواجب ويضرب على الكايد بديه
والتجــــارب تخبرك بالطويل من القصير=لاتحكــــم لمـــــن جهلته ولا تحكم عليه
واعلــــــم انه مايحــقر الرجــال إلا حقير=وانت مشيوف ٍبما شفت به غيرك شبيه
وتعتبر في مستوى النصح الاول والاخير=وانت عنك الياس بالفــين لا والفــين ليه
والرجـــــال اطيور كلـــــن بجنحـانه يطير=غير يختلفـــــون مايستوون أي والله إيه
لا تضــــيعك العلـــــــوم القليلــــه والكثير=قدر اهل المجد والجود بيضـــــان الوجيه
وألتزم بحقــــوق ضـيفك وجارك والجوير=والخوي واعرض عن اللي ربوعه ماتجيه
وعن حمـــاك وهيبتك لايزعـــزعــك النذير=وعدّ لأحـداث الليالــي ســـــــلاح ٍ تحتسيه
واشــتر الغالــي ولو ينصحك عنه المشير=واحـذرأحـذر لا تدوّر رخــيـص اوتشتريه
خل عنك الهــــــون بين الحــثاله والدشير=وحّـــدالله واجـتنب قــــــــرب مـــنلا يتقيه
واحــتزم للعــــــلم بالعزم والصـــبر الوفير=بأجـــتهاد وجـدّ حــــتى تنال اللــــــي تبيه
المواصـــــــل ياصـل الهقـو لوطال المسير=والتخـلف طبع من فالضحى الضاحي يتيه
من تردا فـي زمــــــانك ترى وضعه خطير=مــاهـــــــو إلا مـــــثل مــــنلا يبر ابوالديه
وفيك ضـن الجـود ضــــني وبأمرالله يصير=والحيا مـايقـنط المســــــلم اللــــي يحتريه
في رجاء منش النواشـي من البحر الغزير=ربنا ولك اطلب العـز بامـــــــــره وارتجيه
واطلبه يجــــعل لســـــطان مـن لدنه نصير=واطلـبه نصر ٍوعز ٍ لمن ســـــــلطان اخيه
واتعــوذ مـن عذاب الجحــــــــيم وزمهرير=بالله اللــــــــــــي مــــال عبده مفرّ إلا إليه